YANLIZLIQ BƏXTİMƏ YAZILIB MƏNİM

BƏZƏN ƏTRAFIMA NƏZƏR SALIRAM,
ÇOX VAXTI YANLIZ, MƏN TƏK QALIRAM,
BƏZƏN XƏYALLARDA SƏNİ ANIRAM,
YANLIZLIQ BƏXTİMƏ YAZILIB MƏNİM.

YANLIZAM, ÖNÜMDƏ ÇILĞIN DƏNİZ VAR,
AĞLIM QARIŞIQDI, MİN BİR FİKİR VAR,
SÖYLƏ SƏNDƏN BAŞQA MƏNİM KİMİM VAR?
YANLIZLIQ BƏXTİMƏ YAZILIB MƏNİM.

HƏR ZAMAN TƏK İDİM, TƏKƏM YENƏ DƏ,
SEVGİM AĞIR GƏLDİ MƏNƏ, SƏNƏ DƏ,
TALEYİM BELƏDİ ƏVVƏL, İNDİ DƏ.
YANLIZLIQ BƏXTİMƏ YAZILIB MƏNİM.
(NAİM SÜLEYMANOV)

SƏNSİZ YAŞAYA BİLMƏRƏM GÜLÜM

SƏNSİZ YANLIZLIĞA MƏHKUM OLMUŞAM,
QANADI QIRILMIŞ ÖLÜ BİR QUŞAM,
GÜL KİMİ SARALIB, HƏM DƏ SOLMUŞAM,
SƏNSİZ YAŞAYA BİLMƏRƏM GÜLÜM.

BAXIRAM DƏNİZƏ, SƏNİ GÖRÜRƏM,
BAXIRAM AYNAYA, SƏNİ GÖRÜRƏM,
HƏR GECƏ RÖYAMDA SƏNİ GÖRÜRƏM,
SƏNSİZ YAŞAYA BİLMƏRƏM GÜLÜM.

GÖZLƏRİM HƏR YERDƏ AXTARIR SƏNİ,
BU QƏLBİM HAYQIRIR, SƏSLƏYİR SƏNİ,
SƏNSİZLİYƏ MƏHKUM ETMƏ SƏN MƏNİ,
SƏNSİZ YAŞAYA BİLMƏRƏM GÜLÜM.

HƏYATIMA PARLAYAN GÜNƏŞ KİMİSƏN,
GÖYLƏRDƏN ENMİŞ MƏLƏK KİMİSƏN,
ÖMRÜMÜN GÜNÜMÜN MƏNASISAN SƏN,
SƏNSİZ YAŞAYA BİLMƏRƏM GÜLÜM.

BİR ÖMÜR BOYUNCA GÖZLƏRƏM SƏNİ,
HƏR GECƏ RÖYAMDA SƏSLƏRƏM SƏNİ,
ÇARƏSİZ AŞİQƏM. SEVİRƏM SƏNİ...
SƏNSİZ YAŞAYA BİLMƏRƏM GÜLÜM.
(NAİM SÜLEYMANOV)

DE SƏNİ UNUDUM, UNUDUM NECƏ?

QARŞILIQSIZ SEVDİYİM GÖZƏL SEVDİYİM,
SƏN İSTƏ DÜNYANI SƏNƏ GƏTİRİM,
QƏLBİMİ DAĞLIYIB QÜSSƏ KƏDƏRİM,
DE SƏNİ UNUDUM, UNUDUM NECƏ?

BİR AN BELƏ AĞLIMDAN ÇIXMIRSAN MƏNİM,
ARTIQ GÜCÜM YOXDU, DÖZMÜR ÜRƏYİM,
TƏK SƏNSƏN, YALNIZCA SƏNSƏN KÖMƏYİM,
SƏNSİZ BU DÜNYADA YAŞAYIM NECƏ?

HEÇ KƏS BU DƏRDİMƏ OLMADI KÖMƏK,
İNDİ TƏK İSTƏYİM VAR. O DA Kİ, ÖLMƏK,
ARTIQ DÖZƏ BİLMİR YARALI ÜRƏK,
BU QƏLB SƏNSİZLİYƏ DÖZSÜN DE NECƏ?

GET GEDƏ DAHA DA GERİ GEDİRƏM,
DEYƏSƏN, DEYƏSƏN ARTIQ ÖLÜRƏM,
MƏNASIZ DÜNYADAN MƏN KÖÇ EDİRƏM.
İNSANI MƏHV EDİR SEVGİ BELƏCƏ,
DE SƏNİ UNUDUM, UNUDUM NECƏ?
(NAİM SÜLEYMANOV) 30.03.2012

Nə desəm, nə etsəm, heç xeyri yoxdu,
Sən öz qərarını çoxdan vermisən,
Burda qalmaq üçün səbəbin yoxdu,
Sən öz qərarını çoxdan vermisən...

Nə etsəm də səni unudammaram,
Sənsiz yalnız qalıb yaşayammaram
Nə desəm də səni saxlayammaram,
Getmək qərarını çoxdan vermisən...

Bir ümid: "Bəlkə də getməyəcəksən",
Sənsiz üzüldüyümü bilməyəcəksən,
Mən nə etsəm də məni sevməyəcəksən,
Sən bu qərarını çoxdan vermisən...

İstər yaxınımda ol, istər uzaqda,
Sevgidə sərhəd yoxdu, yaxın, uzaq da,
Səni sevəcəm mən, ol sən uzaqda!!!
Getmək qərarını çoxdan vermisən...

Naim Süleymanov 19.06.2013  21.30

Bir gün buralarda sən olmayanda...

Bir gün buralarda sən olmayanda...

Sənsizlik qəlbimə bir dağ çəkəcək,
Bu dünyam sənsiz necə dönəcək?
Yalnız qaldığımda həyat sönəcək,
Bir gün buralarda sən olmayanda...

Gözlərim yaşlarla hər gün dolacaq,
Baxçamda güllərim çox tez solacaq,
Həmdəmim şəklin və qoxun olacaq,
Bir gün buralarda sən olmayanda...

Sevgi öz mahiyyətini itirəcəkdir,
Dərdlərin üstünə dərd verəcəkdir,
Səni düşünəndə qəlb kövrələcəkdir,
Bir gün buralarda sən olmayanda...

Bir ömür boyunca səni sevəcəm,
Baxdığım hər yerdə səni görəcəm,
Bu sevgi əzabıyla səssiz öləcəm,
Bir gün buralarda sən olmayanda...

Siləcəm ağlımdaki düşüncələri,
Gedəcəm götürüb xatirələri,
Hər gün axtaracam sənli günləri,
Bir gün buralarda sən olmayanda...
Bir gün buralarda sən olmayanda...

Naim Süleymanov 16.06.2013  01.10

Sevmək dedikləri bu olsa gərək

Sevmək dedikləri bu olsa gərək..

Bu gün saatlarca səni düşündüm,

Gecə yuxularımda səni görürdüm,

Səni görməyəndə dərddən ölürdüm,

Sevmək dedikləri bu olsa gərək...

Sevgi alovuyla alışıb qəlbim,

Ölmək istəyirəm tükənib səbrim,

 Erkən qocaldacaq məni bu dərdim,

Sevmək dedikləri bu olsa gərək...

Səni səsləyirəm yenə çarəsiz,

Sənlə yaşlanmaq istəyirəm, dərdsiz, qayəsiz,

Söylə mən neyləyim? Neyləyim sənsiz?

Sevmək dedikləri bu olsa gərək...

O gözəl gözlərinə heyran olmuşam,

O incə səsinə mən vurulmuşam,

Sənsiz qəm dəryasına mən qərq olmuşam

Sevmək dedikləri bu olsa gərək...

Sevmək dedikləri bu olsa gərək...

Naim Süleymanov 08.06.2013  23.10

Sevmək... Sevilmək... Nəsib deyilmiş...

Saçlarım ağarıb qüssə, qəmimdən,
Ölürəm sevdiyim mən bu dərdimdən,
Susamışam, bir su tök, içim əlindən,
O əllərdən tutmaq nəsib deyilmiş...

Səni düşünməklə keçir ömür günlərim,
Qəlbimi oxşayır hər bir sözlərin,
Dərin mənalıdı gözəl gözlərin,
O gözlərə baxmaq nəsib deyilmiş...

Deyirlər bağlanmaq sevgidən pisdir,
Sevgi ürəklərdə qoyulan izdi,
Sevmək bu dünyada ən ülvi hissdir,
Bu hissi dadmaq belə nəsib deyilmiş...

Əzəldən bu bəxtim olubdur qara,
Qəlbimə vurulub sağalmaz yara,
Məcnun tək düşmüşəm çölə, yollara,
Sevmək... Sevilmək... Nəsib deyilmiş...

Naim Süleymanov 05.06.2013 00.50

Ayrılırıqmı?

Sevginin ləzzətin indi dadmışkən,
Heç sevməmiş kimi ayrılırıqmı?
Mən sevgi payımı səndən almışkən,
Yad insanmış kimi ayrılırıqmı?

O böyük sevgimiz harada qaldı?
Bu eşq məni böyük bir dərdə saldı,
Ikimizin ağlını başından aldı,
Heç olmamış kimi ayrılırıqmı?

Nə qədər çalışsam da yenə alınmır,
Qəlbimdə bir dərd var çarə tapılmır,
Ayrılıqdan başqa çarə tapılmır???
Bu qədər sevərkən ayrılırıqmı?

Naim Süleymanov 09.02.2013

VAXTIMIZ ÇOX AZDI, TEZ KEÇİR ZAMAN,
SEVGİNİN ACISI DƏRD VERİR YAMAN,
YALNIZ QALACAQSAN, BAX HƏMİN O AN,
MƏNİ MƏNSİZLİKDƏ ANLAYACAQSAN.

GETDİYİN YERLƏRDƏ, UZAQ MƏKANDA,
SƏNƏ DEYİLƏN O HƏR BİR YALANDA,
BİR GÜN TƏRK EDİLİB YANLIZ QALANDA,
YANLIŞ SEÇİM ETDİYİNİ ANLAYACAQSAN.

BƏLKƏ DƏ ONUNLA SƏN GEDƏCƏKSƏN,
SONDA SƏHV ETDİYİVİ SƏN BİLƏCƏKSƏN,
O GÜN MƏNİM QƏDRİMİ SƏN BİLƏCƏKSƏN,
SƏNİ SEVDİYİMİ ANLAYACAQSAN.

BİR GÜN HƏYATINDA DƏRDLƏR OLANDA,
SEVGİ ÇİÇƏKLƏRİN ÇOX TEZ SOLANDA,
SƏNİ GÖZLƏDİYİMİ BİR GÜN DUYANDA,
SEVGİNİN MAHİYYƏTİN ANLAYACAQSAN.

BİR GÜN O QƏLBİVİ SƏNİN QIRACAQ,
O QƏLB BAŞQASIYÇUN ARTIQ YANACAQ,
SƏNƏ OLAN SEVGİSİNİ BİR GÜN DANACAQ,
SƏNİ SEVMƏDİYİNİ ANLAYACAQSAN.

BİR GÜN BURALARA GERİ DÖNƏNDƏ,
SƏNİ GÖZLƏDİYİMİ BİR GÜN GÖRƏNDƏ,
SƏNİ ƏVVƏLKİDƏN DƏ MƏN ÇOX SEVƏNDƏ,
ƏSL MƏHƏBBƏTİ ANLAYACAQSAN.
MƏNİ MƏNSİZLİKDƏ ANLAYACAQSAN...

Naim Süleymanov

Yenə həsrətinlə baş-başa qaldım,
Sənsiz yalnızlığa məhkum olmuşam...
Yalnız səninlə mən nəfəs aldım,
Sənsiz yalnızlığa məhkum olmuşam...

Canım qurban olsun sənin adına,
Gözündən damlayan hər göz yaşına,
Yenə kimsəsizlikdə mən tək başıma,
Sənsiz yalnızlığa məhkum olmuşam...

Dərdə qərq olmuşam yoxdu həmdəmim,
Yoxdu dəstək olanım, kömək edənim,
Həyat belə imiş, yoxdu sevənim,
Sənsiz yalnızlığa məhkum olmuşam,
Sənsiz yalnızlığa məhkum olmuşam...

Naim Süleymanov

Bu sözün mənasını bu gün anladım:
-“Səni sevmək üçün dünyaya gəldim”.
Heç özüm bilmədən sənə bağlandım,
Səni sevmək üçün dünyaya gəldim.

Ömrüm boyu axtardığım Leyli sən idin,
Dərdimin əlacı təkcə sən idin,
Alnımın yazısı, gülüm sən idin,
Səni sevmək üçün dünyaya gəldim.

Gecə yuxularımda görürəm səni,
Hər an xəyalımda düşnürəm səni,
Unutma həyatım Sevirəm səni,
Səni sevmək üçün dünyaya gəldim.

Naim Süleymanov 28.01.2013

Ölümü dadmağa yollanıram mən...

Yaşamaq çox çətin gəldim qəlbimə,
Ölümü dadmağa yollanıram mən...
İstəməm çox adam gəlsin qəbrimə,
Ölümü dadmağa yollanıram mən...

Yaşadım, yalnızca əzab mən gördüm,
Bu acıyla hər gün mən yaşadım, öldüm,
Insanın iç üzün bu gün mən gördüm,
Ölümü dadmağa yollanıram mən...

Artıq dözəmmirəm bu dərd, acıya,
Bu halıma baxıb Allah acıya,
Bir az da siz dözün ağrı-acıya,
Ölümü dadmağa yollanıram mən...

Geridə qoyuram sevdiklərimi,
Unuda bilmirəm gördüklərimi,
Götürüb Allahın verdiklərini,
Ölümü dadmağa yollanıram mən...

Gözümdə kədərdən yaşlar qalmıyıb,
Könlüm bu dünyadan heç kam almayıb,
Artıq yaşayacaq səbrim qalmıyıb,
Ölümü dadmağa yollanıram mən...

Alnıma yazılıb bu qara yazı,
Sizlərə yazdığım son söz, son yazı:
-“Ömrümün gənc çağı, baharı, yazı,
Ölümü dadmağa yollanıram mən...”

Naim Süleymanov 28.01.2013

Sənsən
Gecə yatdığımda, səhər duranda,
Ağlımda, fikrimdə daima sənsən,
Gecə röyalarımda, yuxuda olanda,
Gördüyüm huri mələyim sənsən.

Sıxılıb qalmışam əlacsız, yolsuz,
Qəlbim acılarla doludur onsuz,
Dərdlər də, kədər də tükənməz, sonsuz,
Dərdimin əlacı, məlhəmim sənsən.

Yalnız qalmaqdan mən qorxuram gülüm,
Heç zaman olmasın sənsiz bir günüm,
Istərəm mən sənin yanında ölüm,
Son nəfəs verdiyim həmdəmim sənsən.

Niyə əzəl başdan səni sevmədim?
Niyə yaşayıram? Niyə? ölmədim?
Dünyada bir xoşbəxt gün mən görmədim,
Ən xoşbəxt günlərim, sevincim sənsən.

Görünür yaşamaq hədər deyilmiş,
Gördüyüm hər acı kədər deyilmiş,
Sevginin şairi Naim deyirmiş:
-Ürəyim, sevincim, sevdiyim Sənsən,
Dərdimə aşina sirdaşım Sənsən.

Naim Süleymanov 27.01.2013

BU MƏNİM TORPAĞIM, MƏNİM VARIMDI,
DAMARLARIMDAN AXAN HALAL QANIMDIR,
O MƏNİM VARLIĞIM, RUHUM, CANIMDIR,
EŞİTSİN BU DÜNYA, DUYSUN SƏSİMİ,
VERMƏRƏM TORPAĞIMIN BİR METRƏSİNİ.

MİN İLLƏR QAN AXITDIQ ONUN YOLUNDA,
MİNLƏRLƏ CAN VERDİK ONUN UĞRUNDA,
BUNU MU GÖRƏCƏKDİK BİZLƏR SONUNDA?,
DÜŞMƏNLƏR TOPLAŞIB SAĞIM, SOLUMDA,
EŞİTSİN BU DÜNYA, DUYSUN SƏSİMİ,
VERMƏRƏM TORPAĞIMIN BİR METRƏSİNİ.

BİTƏCƏK BU HƏSRƏT, BİTƏCƏK ƏLBƏT,
DÜŞMƏN POLAD YUMRUĞU GÖRƏCƏK ƏLBƏT,
ONLARIN DA ODU SÖNƏCƏK ƏLBƏT,
BİR YUMRUQ OLACAQ BİZİM XALQ, ƏLBƏT,
EŞİTSİN BU DÜNYA, DUYSUN SƏSİMİ,
VERMƏRƏM TORPAĞIMIN BİR METRƏSİNİ.

NAİM SÜLEYMANOV (19.12.2011)

Qəlbimdə heç bitməyən sevda yolu vardı,
Bağımda hər yaz olanda güllər açardı,
Sevda ilə dolan bu könül şəfəq saçardı,
Qəlbimi dağlayır o yar məni məhv etdi,
Bağımda açan o gülü qoparıb getdi.

Bu sevda alovunda alışma sən də,
Sevgi bizlik deyil qarışma sən də.
Sevgi baxçasında yadlar gəzəndə,
Sonra deməyəsən :-nə oldu bitti?
Sevgi bir oyundu, başladı, bitti.

Naim Süleymanov

BU GÜN QARABAĞI ALMAQ GÜNÜDÜR

DİNLƏ AZƏRİ XALQI,EŞİT SÖZÜMÜ,
QULAQ VER SƏSİMƏ,YUMMA GÖZÜNÜ,
HAYQIR BU DÜNYAYA,GÖSTƏR ÖZÜNÜ,
BU GÜN QARABAĞI ALMAQ GÜNÜDÜR.

DUYUR HƏQİQƏTİ CÜMLƏ-CAHANA,
QOY DÜŞMƏN BİLMƏSİN QAÇSIN HAYANA,
BİZİM ARXAMIZDA ALLAH DAYANA,
BU GÜN QARABAĞI ALMAQ GÜNÜDÜR.

HAMIMIZ BİRLƏŞƏK,BİRGƏ GÜC OLAQ,
YEKDİL QƏRAR VERİB HƏMFİKİR OLAQ,
QARŞIYA YALNIZCA BİR MƏQSƏD QOYAQ,
BU GÜN QARABAĞI ALMAQ GÜNÜDÜR.

QOYMA QARABAĞDA GƏZSİN YAD BİRİ,
QOY KƏSSİN SƏSİNİ...GÖSTƏR HÜNƏRİ,
EŞİTSİN BU DÜNYA BİZİM SƏSLƏRİ:
-“BU GÜN QARABAĞI ALMAQ GÜNÜDÜR”.

HƏR QARIŞ TORPAĞIM ƏZİZDİR MƏNƏ,
BİR QARIŞ TORPAĞI VERMƏM DÜŞMƏNƏ,
EY AZƏRİ XALQI SƏS VERİN MƏNƏ,
BU GÜN QARABAĞI ALMAQ GÜNÜDÜR.

NAİM SÜLEYMANOV.